Татарстан трассасында ике җиңел машина бәрелешеп, дүрт кеше һәлак булган

Бүген иртән республиканың Балык Бистәсе районында коточкыч юл-транспорт һәлакәте килеп чыккан.

(Казан, 23 февраль, «Татар-информ», Полина Шевчук). Татарстан трассасында ике җиңел машина бәрелешкән, авариядә дүрт кеше һәлак булган.

«Татар-информ»га бу хакта фаҗига шаһитлары сөйләде. Аларның сүзләренә караганда, авария бер сәгатьләп элек Балык Бистәсе — Котлы Бөкәш автоюлында булган. Биредә «Лада» һәм «КИА» бәрелешкән.

Хәзерге вакытта дүрт кеше һәлак булганлыгы билгеле. Аларның өчесе - «Лада» автомобиленнән һәм берсе иномаркадан.

Авария килеп чыгу шартлары билгеләнә.