Сарман районында авариядә ике кеше һәлак булган, өч кеше имгәнгән
Авария Зәй-Сарман трассасының утызынчы чакрымында булган.
Скопировать ссылку
(Казан, 22 декабрь, «Татар-информ»). Сарман районында авариядә ике кеше һәлак булган һәм өч кеше хастаханәгә салынган. Бу хакта Татарстан буенча Эчке эшләр министрлыгының матбугат хезмәтендә хәбәр иттеләр.
Кичә кич Зәй-Сарман трассасының 30нчы чакрымында «Жигули» машинасының йөртүчесе тыелган урында узарга чыккан һәм «Лада Гранта» белән кара-каршы бәрелешкән.
Авариядә «Гранта» йөртүчесе шунда ук һәлак була, «Жигули»ның 17 яшьлек пассажиры медсанчастьтә вафат була. «Жигули» шоферы һәм пассажиры, шулай ук «Лада» пассажиры хастаханәгә китерелгән.
