Татарстан юлында авариядә җиңел машина йөртүчесе үлгән
Зәй районы Тонгузино авылы янында фура һәм җиңел автомобиль бәрелешкән.
Скопировать ссылку
(Казан, 22 ноябрь, «Татар-информ»). Зәй районы Тонгузино авылы янында фура һәм җиңел автомобиль бәрелешә. Ике машина да юл читенә төшеп китә.
Юл-транспорт һәлакәте нәтиҗәсендә җиңел автомобиль йөртүче һәлак булды. Шулай ук җиңел машинада булган пассажир һәм фура йөртүче дә зыян күргән. Аларны төрле җәрәхәтләр белән хастаханәгә алып киткәннәр. Бу хакта «Татар-информ»га шаһитлар хәбәр итте.
