Казанда юл һәлакәтеннән соң ике машина коймага барып бәрелгән, ике кеше имгәнгән

Мамадыш тракты һәм Рахлин урамы киселешендә «КИА» һәм «Лада» машиналары һәлакәткә юлыккан.

(Казан, 22 ноябрь, «Татар-информ», Полина Шевчук). Казанда юл-транспорт һәлакәтеннән соң ике җиңел машина коймага барып бәрелгән, ике кеше зыян күргән. Бу хакта «Татар-информ»га шаһитлар хәбәр итте.

Һәлакәт кичә кичке сәгать сигезләрдә Рахлин урамы белән Мамадыш тракты киселешендә булган. Биредә  «КИА» һәм «Лада» машиналары һәлакәткә юлыккан.

Көчле бәрелүдән ике автомобиль дә юлның төрле якларына ыргытылган.

Юл-транспорт һәлакәте шаһитлары сөйләгәнчә, зыян күргән ике кешене хастаханәгә алып киткәннәр. Һәлакәт сәбәпләре билгеләнә.