Зәйдә шәхси йортта янгында ике ир-ат ис газы белән агуланган

(Казан, 22 октябрь, «Татар-информ», Полина Шевчук). Кичә 23.24 сәгатьтә Зәй шәһәренең Гайдаров урамында янгын чыккан.

Россия Гадәттән тыш хәлләр министрлыгының ТР буенча Баш идарәсе матбугат хезмәтеннән «Татар-информ» агентлыгына хәбәр итүләренчә, янгын сүндерүчеләр килгәндә агач йортка һәм аның янкормасына ут капкан була инде.

Янгынны 0.40 сәгатьтә тулысынча сүндергәннәр. Нәтиҗәдә, 37 яшьлек ике ир-ат зыян күргән. Ис газы белән агуланган ир-атларны хастаханәгә озатканнар.

Янгынның мәйданы 64 квадрат метр тәшкил иткән. Хәзер аның сәбәпләрен ачыклыйлар.