Төнлә Казанда торак йортта фатир янды, янгын сүндерүчеләр 12 кешене коткарды
Янгын нәтиҗәсендә беркем дә зыян күрмәде.
Скопировать ссылку
(Казан, 22 март, «Татар-информ»). Бүген төнлә Авангард урамында яшәүчеләр 101 номерына подъездда янгын чыгуы турында хәбәр иттеләр. Бу хакта «Татар-информ»га Россия Гадәттән тыш хәлләр министрлыгының Татарстан буенча баш идарәсе матбугат хезмәтендә сөйләделәр.
Килгән янгын сүндерүчеләр баскыч ярдәмендә 12 кешене саф һавага чыгарды.
Тиздән янгын сүндерүчеләр утны сүндерә. Янгынның гомуми мәйданы 60 кв. м тәшкил итә.
Бинаны караганда, башта йорттагы бер фатирның яна башлавы ачыкланды, шуннан соң ут тарала башлаган. Янгын нәтиҗәсендә беркем дә зыян күрмәде.