Казанда тормозлары эшләмәү сәбәпле, трамвайлар бәрелешкән, ике пассажир травма алган

Авария бүген көндез Гвардия урамында булган.
(Казан, 22 гыйнвар, «Татар-информ»). Казанның Гвардия урамында ике трамвай бәрелешүне социаль челтәрләрдән файдаланучылар хәбәр итә. Ике трамвай да Гадел Кутуй ягына таба хәрәкәт иткән, дип ачыклык керттеләр шәһәр автоинспекциясендә «Татар-информ» хәбәрчесенә. «Алда барган транспорт светофорга тукталган. Бу вакытта аңа тормозлары сафтан чыккан икенче трамвай килеп бәрелгән», — дип сөйләделәр ЮХИДИ хезмәтендә. Авария нәтиҗәсендә трамвайларда булган ике пассажир зыян күргән.