Ютазы районында чит ил машинасы юл кырыена төшеп киткән, пассажир зыян күргән
Авария Урыссу бистәсеннән ике чакрым ераклыкта була.
Скопировать ссылку
(Казан, 21сентябрь, «Татар-информ»). Ютазы районында чит ил машинасы юл кырыена төшеп киткән, пассажирын ашыгыч ярдәм машинасында хастаханәгә алып киткәннәр. Бу хакта «Татар-информ»га юл-транспорт һәлакәте шаһитлары хәбәр итте.
Авария Урыссу бистәсеннән ике чакрым ераклыкта була. «Хендэ Солярис» трассадан кюветка очкан, машинага шактый зыян килгән.
Юл-транспорт һәлакәтендә автомобиль пассажиры зыян күргән.
«Ашыгыч ярдәм килеп, пассажир утыргычында булган хатын-кызны хастаханәгә алып киттеләр», - дип сөйләде шаһитлар.
