Оренбург өлкәсендә 7 яшьлек малай сөннәткә утыртканнан соң вафат булган

Баланың гомере 5 нче номерлы Орск шәһәр хастаханәсендә өзелә.

(Казан, 21 июнь, "Татар-информ"). Орск шәһәре балалар хастаханәсендә 7 яшьлек малай вафат булган, дип хәбәр итә ural56.ru.

Әлеге агентлык хәбәр иткәнчә, сөннәткә утырту операциясен балага медицина оешмасында ясамыйлар. Малай, 5 нче номерлы шәһәр хастаханәсе реанимациясенә китерелгәч вафат була. Хастаханәнең баш табибы, табиблар серенә таянып, әлеге вакыйгага аңлатма бирүдән баш таркан.

Әлеге факт буенча Тикшерү комитеты эш башлаган, хәзер тикшерү өчен кирәкле документлар әзерләнә.