Татарстан трассасында җәяүлене бәрдергәннәр

Ир-ат “ГАЗ” автомобиле астына кергән

 (Казан, 21 февраль, «Татар-информ»). Кичә Әлмәт - Лениногорск автомобиль юлының 20 нче километрында 1965 нче елгы ир һәлак блган. ТР буенча ЭЭМның ЮХИДИ идарәәсе пропаганда бүлеге хәбәр иткәнчә, авария сәгать 22.00дә булган.

“ГАЗ-172412” автомобилен йөрткән 1966 нчы елгы ир хәрәкәт иминлеген тәэмин итәрдәй тизлекне арттырган һәм җәяүлене бәрдергән дип фаразланыла. Җәяүле юл буеннан барган. Алган җәрәхәтләрдән ул урында ук җан биргән.

Республикада февральнең 20 көнендә 191 юл-транспорт һәлакәте булган, алар нәтиҗәсендә 30 кеше һәлак булган һәм 227 кеше имгәнгән, җәрәхәтләнгән.