Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанга төшәргә мәҗбүр булган лайнерда пассажир үлеме сәбәбен ачыклыйлар
Кичә төнге унберләр тирәсендә Мәскәүдән Көньяк Сахалинга оча торган лайнер Казан аэропортына төшәргә мәҗбүр булган.
(Казан, 21 гыйнвар, «Татар-информ», Полина Шевчук). Казанга төшәргә мәҗбүр булган лайнерда пассажирның ни сәбәпле үлүен тикшерәләр. Россия Федерациясе тикшерү комитеты Идел буе транспортта тикшерү идарәсе җитәкчесенең өлкән ярдәмчесе, юстиция подполковнигы Дмитрий Захаров «Татар-информ» агентлыгына шул хакта хәбәр итте.
Кичә төнге унберләр тирәсендә Мәскәүдән Көньяк Сахалинга оча торган лайнерда 58 яшьлек пассажирның хәле кинәт начараеп киткән. Самолет «Казан» Халыкара аэропортына төшәргә мәҗбүр булган.
Самолет аэропортка төшеп утырганнан соң килгән ашыгыч ярдәм табиблары ир-атның үлемен раслаган.
Хәзер лайнер Казаннан Көньяк Сахалинга юл тоткан.
Тикшерүчеләр фаҗиганең барлык сәбәпләрен ачыклый, тиешле экспертиза үткәреләчәк. Тикшерү нәтиҗәләре буенча процессуаль карар чыгарылачак.
Кызыклы яңалыкларны күзәтеп бару өчен Телеграм-каналга язылыгыз