Минзәлә районында бензовоз һәм фургон бәрелешкән урында төшерелгән видео чыкты

Авариядә машина йөртүчеләрнең икесе дә зыян күргән, аларны якындагы хастаханәгә озатканнар.

(Казан, 20 май, «Татар-информ», Павел Климчак). Татарстанның Минзәлә районында М7 федераль трассасында бензовоз һәм фургон бәрелешкән урында төшерелгән видео чыкты.

«Татар-информ» агентлыгы юлның әлеге участогында авария булу аркасында машиналар хәрәкәтенең чикләнүе хакында хәбәр иткән иде. Бензовоз шоферы рульдә йоклап киткән һәм каршы як полосага чыккан дип фаразлана.

Авариядә машина йөртүчеләрнең икесе дә зыян күргән, аларны якындагы хастаханәгә озатканнар.