Казанда «КАМАЗ» шоферы, светофорның кызыл утына чыгып, 3 яшьлек баланы бәрдергән

Юл һәлакәте Назарбаев урамындагы җәяүлеләр кичүендә булган.

(Казан, 20 май, «Татар-информ»). Казанда «КАМАЗ» шоферы, светофорның кызыл утына чыгып, 3 яшьлек малайны бәрдергән. Бу хакта шәһәр Дәүләт автоинспекциясеннән хәбәр иттеләр.

«Назарбаев урамындагы 48нче йорт каршында йөк автомобилен идарә итүче 23 яшьлек ир-ат, башлангыч мәгълүматларга караганда, светофорның кызыл утына чыгып, җәяүлеләр кичүендә 3 яшьлек малайны бәрдергән», - дип искәрттеләр ЮХИДИ идарәсендә.

Нәтиҗәдә, баш мие селкенгән баланы хастаханәгә озатканнар.