Лениногорскида бәрелешкән машиналарның йөртүчеләре хастаханәгә озатылган

Кичә кич Лениногорскиның үзәк урамында юл-транспорт һәлакәте булды.

(Казан, 20 апрель, «Татар-информ», Наталия Никифорова). Лениногорскида ике автомобиль бәрелешеннән соң ике машинаның йөртүчесе дә хастаханәгә озатылган. Бу хакта «Татар-информ»га һәлакәт шаһитлары хәбәр итте.

Кичә, 19 апрель көнне, кич белән Лениногорскиның Чайковский урамында ике җиңел автомобиль юл бүлешә алмаган.

«Лада Калина» һәм «Лада Гранта» капма-каршы бәрелешкән. Ике машинаның йөртүчесе дә, шаһитлар сүзләренчә, җитди җәрәхәтләр алган һәм алар хастаханәгә озатылган.

Юл-транспорт һәлакәте сәбәпләре ачыклана.