Әлмәт үсмерләренең кайберләре караклыкта, сукбайлыкта, исерткеч эчемлекләрне куллануын дәвам итә

 (Казан, 20 февраль, “Татар-информ”). Әлмәттәге балигъ булмаганнар эше буенча комиссиянең чираттагы утырышы булып, бу юлы комиссия әгъзалары тикшерүенә 97 беркетмә куелган иде. Ләкин утырышка 24 кеше генә килгән булып чыкты.

Беркетмәләргә караганда, үсмерләр һаман да караклык белән шөгыльләнүләрен, исерткеч эчемлекләр куллануларын, сукбайлыкта йөрүләрен дәвам итә. Бу көнне 12,2 мең сумлык штраф салынды. Штраф түләмәүчеләрнең эше буенча суд приставларына материал әзерләнәчәге дә искәртелде, дип борчылып яза “Әлмәт таңнары” газетасы.