Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Лаеш районында, рюкзакка ут кабу сәбәпле, мәктәптән 740 баланы эвакуацияләгәннәр
Башлангыч мәгълүматларга караганда, рюкзактагы портатив зарядка җайланмасы үзеннән-үзе яна башлаган.
(Казан, 20 гыйнвар, «Татар-информ»). Татарстанның Лаеш районында, рюкзакка ут кабу сәбәпле, мәктәптән 740 баланы эвакуацияләгәннәр. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
Бүген иртән Гадәттән тыш хәлләр министрлыгына Столбище авылы мәктәбендә янгын сигнализациясе эшли башлавы хакында хәбәр килгән. Урынга 119нчы янгын-коткару часте хезмәткәрләре барган.
Мәктәп гардеробында бер укучының рюкзагына ут кабуы ачыкланган. Янгынны белем бирү учреждениесе хезмәткәрләре үз көче белән сүндергән.
Мәктәп администрациясе бинадан 740 бала һәм 40 хезмәткәрне эвакуацияләгән. Зыян күрүчеләр юк.
Хәзер белгечләр рюкзакка ни сәбәпле ут кабуын ачыклый. Башлангыч версия буенча, моңа портатив аккумуляторның үзеннән-үзе кабынып китүе сәбәпче булырга мөмкин.
Кызыклы яңалыкларны күзәтеп бару өчен Телеграм-каналга язылыгыз