Хәвеф-хәтәр 19 ноябрь 2020 09:44

Казанда сигез чит ил кешесен үз фатирында теркәгән хатын-кызга штраф салганнар

Хатын-кызны «Чил ил гражданинын Россия Федерациясендә тору урыны буенча фиктив рәвештә исәпкә кую» маддәсе буенча гаепле дип тапканнар.

Скопировать ссылку

(Казан, 19 ноябрь, «Татар-информ», Полина Шевчук). Казанда сигез чит ил кешесен үз фатирында теркәгән хатын-кызга штраф салганнар. Бу хакта «Татар-информ» агентлыгына ТР прокурорының өлкән ярдәмчесе Руслан Галиев хәбәр итте.

Судта ачыкланганча, 2020 елның гыйнварыннан июнь аена кадәр Казанда яшәүче 35 яшьлек хатын-кыз үз фатирында 8 чит ил гражданинын теркәгән. Шул ук вакытта, чынлыкта алар анда яшәмәгән.

Хатын-кызны «Чил ил гражданинын Россия Федерациясендә тору урыны буенча фиктив рәвештә исәпкә кую» маддәсе буенча гаепле дип тапканнар һәм 100 мең сум күләмендә штрафка тартканнар.

Сәхифәләр

Казанда сигез чит ил кешесен үз фатирында теркәгән хатын-кызга штраф салганнар