Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда төнлә коляскада хәрәкәт итүче инвалидны бәрдергәннәр
Ир-ат тиешсез урында юл аркылы чыкмакчы булган.
(Казан, 19 октябрь, «Татар-информ», Екатерина Пронина). Казанда төнлә коляскада хәрәкәт итүче инвалидны бәрдергәннәр. Бу хакта социаль челтәрләрдән файдаланучылар хәбәр итте.
Авария Ломжа һәм Фучик урамнары чатында килеп чыккан. Социаль челтәрләрдән файдаланучылар әйтүенчә, ир-ат тиешсез урында юл аркылы чыкмакчы булган.
Шәһәр Дәүләт автоинспекциясендә агентлыкка әлеге мәгълүматны расладылар. Юл һәлакәте кичә төнлә булган. «Дэу Джентра» автомобиленең 53 яшьлек йөртүчесе Фучик урамы буйлап Ломжа урамына таба хәрәкәт иткән.
41 яшьлек инвалид тиешсез урында юл аша чыккан вакытта машина астына килеп кергән. Төрле тән җәрәхәтләре алган инвалидны ашыгыч ярдәм табиблары хастаханәгә алып киткән.
«Республика клиник хастаханәсендә тиешле ярдәм күрсәткәннән соң ир-атны өенә кайтарып җибәргәннәр», - дип искәрттеләр шәһәр Дәүләт автоинспекциясендә.
Кызыклы яңалыкларны күзәтеп бару өчен Телеграм-каналга язылыгыз