Татарстан юлында машинага ут капкан
Авария кичә кич Баулы районының Уба авылы янында булган.
Скопировать ссылку
(Казан, 19 июль, «Татар-информ»). Татарстан юлында машинага ут капканнан соң чокырга төшеп киткән. Йөртүчесе юл-транспорт һәлакәте урыныннан качкан.
Авария кичә кич Баулы районының Уба авылы янында булган, дип сөйләделәр «Татар-информ»га Россия Гадәттән тыш хәлләр министрлыгының ТР буенча Баш идарәсе матбугат хезмәтендә.
Бу хәл турында 101 нче янгын сагы чакыру номеры буенча кичке сәгать унда хәбәр иттеләр. Daewoo Nexia машина йөртүчесе төп юлга чыкканда чокырга төшкән һәм машина яна башлаган.
Янгын сүндерүчеләр автомобильгә капкан утны сүндерә. Һәлакәт урынында машина йөртүче булмый.