Чаллыда яшәүче ир-атны бер хатынны көчләүдә һәм полицейскийга һөҗүм итүдә гаеплиләр

(Казан, 19 май, «Татар-информ», Павел Климчак). Чаллыда яшәүче 40 яшьлек ир-атны бер хатын-кызны көчләүдә һәм полицейскийга һөҗүм итүдә гаеплиләр.

Тикшерү ачыклаганча, апрельдә ир-ат 40 яшьлек хатын-кызны көчләгән. Аны полиция бүлегенә китергәннәр, анда ул хезмәткәрләрнең берсенә ташланган һәм берничә тапкыр йодрыгы белән суккан. Бу турыда Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.

Ир-атка карата «Көчләү», «Сексуаль характердагы көчләү гамәлләре куллану» һәм «Полициягә карата көч куллану» маддәсе буенча җинаять эше ачылган.

Чаллы кешесе үз гаебен танымаган, аны сак астына алганнар. Тикшерү эшләре бара.