Казан аэропорты хезмәткәрләре пассажирларның шәхси әйберләрен урлаган

Бу фактка карата «Урлау» маддәсе буенча җинаять эше кузгатылган.

(Казан, 19 апрель, «Татар-информ», Павел Климчак). Казанда аэропортның алты хезмәткәрен пассажирларның шәхси әйберләрен урлауда гаеплиләр.

 Полиция хезмәткәрләре 30 яшьлек аэропорт хезмәткәрен тоткарлаган, ул Казан-Сочи рейсы пассажирларының багажынган урланган әйберләр тутырылган пакетны территориядән алып чыкмакчы булган. Тикшерү вакытында аның тагын биш тарафдары — аэропорт хезмәткәрләренең шушы гамәле ачыкланган. Бу турыла «Татар-информ”га Казан транспорт полициясе матбугат хезмәтендә хәбәр иттеләр.

Әлеге ир-атлар ел дәвамында самолетның йөк куела торган бүлегеннән пассажирларның әйберләрен урлаган. Аларның өйләрендә, шулай ук эш урыннарында урланган балалар аяк киеме, ноутбук, кәрәзле телефон, алкоголь һәм парфюм тапканнар. Якынча мәгълүматлар буенча барлыгы 100 мең сумнан артык зыян салынган.

Бу фактка карата «Урлау» маддәсе буенча җинаять эше кузгатылган. Бу маддә буенча биш елга кадәр ирегеннән мәхрүм итү яный.