Тукай районы Калмаш авылындагы балалар бакчасына ут капкан

Бина эчендә 60 кеше: балалар һәм хезмәткәрләр була.

(Чаллы, 19 апрель, "Татар-информ", "Шәһри Чаллы"). Тукай районы Калмаш авылындагы балалар бакчасына ут капкан, дип яза җирле басма.

Янгын иртәнге сәгатьләрдә чыга. Балалар бакчасының бер өлеше көтмәгәндә яна башлый. Бина эчендә 60 кеше: балалар һәм хезмәткәрләр була. Тәрбиячеләр тиз генә сабыйларны киендереп урамга, ишегалдына алып чыгалар.

Килеп җиткән янгын сүндерүчеләр тиз арада сүндерү эшенә керешәләр. Ут электр чыбыкларыннан кыска ялганыш нәтиҗәсендә килеп чыккан дип фаразлана.