Казанда ут капкан үзбушаткычны ут белән көрәшүчеләр килгәнче үк сүндергәннәр
Янгынның мәйданы 0,5 квадрат метр тәшкил иткән.
Скопировать ссылку
(Казан, 19 гыйнвар, «Татар-информ»). Казанда ут капкан үзбушаткычны янгын сүндерүчеләр килгәнче үк сүндереп өлгергәннәр.
Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
Бүген 9.21 сәгатьтә Ямашев проспектындагы 17нче йорт каршында Shacman f 2000 үзбушаткычының моторына ут кабуы хакында хәбәр килгән.
Янгынны ут белән көрәшүчеләр килгәнче үк сүндергәннәр. Аның мәйданы 0,5 квадрат метр тәшкил иткән. Беркем дә зыян күрмәгән.