news_header_top_970_100
16+
news_header_bot_970_100

Казан юлларында бер тәүлек эчендә өч хатын-кызны бәрдергәннәр

Зыян күрүчеләрнең берсенең оча сөяге һәм күкрәк читлеге сынган.

(Казан, 18 декабрь, «Татар-информ»). Казан юлларында бер тәүлек эчендә өч җәяүлене бәрдергәннәр. Бу хакта шәһәр автоинспекциясендә хәбәр иттеләр.

Кичә 29 яшьлек кызны Маршал Чуйков урамында светофорның кызыл сигналына чыкканда «Форд» бәрдерә. Авариядә кызның оча сөягенә һәм күкрәк читлегенә зыян килгән.

Кичке сәгать биштә Юл буе урамында «Субару» машинасын йөртүче, башлангыч мәгълүматлар буенча, «зебра»да 46 яшьлек хатын-кызга юл бирмәгән.

Ә ике сәгать ярымнан соң Ямашев урамында «Лада» машина йөртүчесе 33 яшьлек хатын-кызны көйләнми торган юл кичүендә бәрдергән. Зыян күрүче башын җәрәхәтләгән.


autoscroll_news_right_240_400_1
autoscroll_news_right_240_400_2
news_bot_970_100