Ике яшь әлмәтле полиция кулына эләккән

Хәзер аларга карата «Наркотикны законсыз сатып алу һәм саклау» маддәсе буенча җинаять эше кузгату мәсьәләсе хәл ителә.

(Әлмәт, 18 август, "Татар-информ", "Әлмәт таңнары"). Полицейскийлар бер үк көнне Әлмәттә яшәүче ике егетне тоткарлаган.

Нефтьчеләр урамында 23 яшьлек әлмәтледән 1,75 грамм синтетик наркотик тапканнар. Шул ук көнне 25 яшьлек әлмәтле 0,23 грамм «синтетика» белән эләккән.

Хәзер аларга карата «Наркотикны законсыз сатып алу һәм саклау» маддәсе буенча җинаять эше кузгату мәсьәләсе хәл ителә.