Чаллыда йорт ишегалдында машина биш яшьлек кыз баланы бәрдергән

«Фольксваген»ның 29 яшьлек йөртүчесе, ишегалды аша узып барганда автомобиль каршына бала килеп чыккач, тиз генә туктый алмаган.

(Чаллы, 18 май, «Татар-информ», Эльвира Мөхәммәтдинова). Чаллыда чит ил машинасы ишегалдында самокатта йөргән биш яшьлек кыз баланы бәрдергән. Бу хакта Чаллы Дәүләт автоинспекциясе хәбәр итә.

Узган ял көннәрендә Чулман проспектындагы 21нче йорт ишегалдында юл-транспорт һәлакәте булган. «Фольксваген»ның 29 яшьлек йөртүчесе, ишегалды аша узып барганда автомобиль каршына бала килеп чыккач, тиз генә туктый алмаган.

 Нәтиҗәдә җәрәхәтләр алган баланы хастаханәгә алып киткәннәр.