Ял көннәрендә Казанда юл-транспорт һәлакәтләрендә 4 кешенең гомере өзелгән

28 яшьлек ир-ат идарәсендәге “Мерседес” Халитов урамы буенча барганда светофорның кызыл утына чыккан
(Казан, 18 май, «Татар-информ», Артур Еникеев). Узган ял көннәрендә Казанда 290 юл-транспорт һәлакәте булган, аларда 4 кеше үлгән һәм тагын 19 кеше җәрәхәтләнгән.
16 майда 11.00 сәгатьтә “ВАЗ-2112” автомобиленең 22 яшьлек йөртүчесе Мәскәү-Уфа автоюлының 799 километрында М-7 трассасы буенча барганда куркынычсызлык тизлеген сайламаган һәм идарә итә алмыйча каршы як полосага чыгып “Вольво” автомобиле белән бәрелешкән. Юл-транспорт һәлакәте нәтиҗәсендә “уникенче” модель машинасының йөртүче һәм 26 яшьлек пассажиры алынган тән җәрәхәтләрдән һәлакәт урынында үлгән.
11.35 сәгатьтә 31 яшьлек ир-ат идарәсендәге “ГАЗ-27901” автомобиле Четаев урамы буенча барганда светофорның кызыл уты янганда юл аша чыгучы 65–70 яшьләрдәге хатын-кызны бәрдергән. Нәтиҗәдә, хатын-кыз алынган тән җәрәхәтләреннән ашыгыч ярдәм машинасында үлгән.
17 майда 22.00 сәгатьтә спиртлы эчемлекләр кулланган 28 яшьлек ир-ат идарәсендәге “Мерседес” Халитов урамы буенча барганда светофорның кызыл утына чыккан һәм 50 яшьлек ир-ат идарәсендәге “ВАЗ-2112” автомобиле белән бәрелешкән. Юл-транспорт һәлакәте нәтиҗәсендә “уникенче” модель автомобиленең 69 яшьлек пассажиры алынган җәрәхәтләрдән шунда ук үлгән, шулай ук машина йөртүче, 13 яшьлек, 49 яшьлек һәм 23 яшьлек пассажирларның баш миләре селкенгән һәм барысы да хастаханәгә озатылган.
Казанның ЮХИДИ мәгълүматлары буенча, узган ялларда барлыгы 2231 йљртњче һәм 408 җәяүле юлда йөрү кагыйдәләрен, 552 йөртүче тизлек режимын бозган өчен административ җаваплылыкка тартылган. 193 – куркынычсызлык каешын куллану кагыйдђлђрен бозган; 207 – каршы як полосага чыккан; 37 – кешелђрне утыртып йљрњ кагыйдђлђрен бозган. 51 йөртњче транспорт белән исерек килеш идарђ иткђн љчен тоткарланган.