Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Яшел Үзәндә бер ир-ат подвалга егылып төшкән һәм җитди тән җәрәхәтләре алган
Оча сөяге сынган ир-атны хастаханәгә озатканнар.
(Казан, 18 апрель, «Татар-информ»). Кичә Яшел Үзән шәһәренең Рогачев урамында бер ир-ат торак йорт подвалына егылып төшкән.
Россия Гадәттән тыш хәлләр министрлыгының ТР буенча Баш идарәсе матбугат хезмәтеннән «Татар-информ» агентлыгына белдерүләренчә, бу хакта 112 бердәм номерына шаһитлар хәбәр иткән. Ир-ат тимер баскычтан подвалга төшәргә уйлаган һәм аягы ычкынып китеп, җиргә барып төшкән. Шаһитлар әйтүенчә, ул аңын югалткан булган, аны өскә үзләре генә алып чыга алмаганнар, шунлыктан коткаручылар чакыртырга туры килгән. Башлангыч мәгълүматлар буенча, ир-ат урам җыештыручы булып эшли.
Урынга килгән коткаручылар подвалга төшеп, бау һәм махсус җайланма ярдәмендә зыян күрүчене өскә алып чыккан. Оча сөяге сынган ир-атны хастаханәгә озатканнар.
Кызыклы яңалыкларны күзәтеп бару өчен Телеграм-каналга язылыгыз