Санкт-Петербургта архитектор-реставратор Рафаэль Даянов вафат

Ул Санкт-Петербургтагы иң талантлы татарларыбызның берсе иде, — диде Татарстан Республикасының Санкт-Петербург шәһәрен һәм Ленинград өлкәсендәге вәкиле.

(Казан, 18 гыйнвар, «Татар-информ»). Санкт-Петербургның мактаулы реставраторы, архитектор-реставратор Рафаэль Даянов 71нче яшендә вафат булды.  

Рафаэль Марат улы Даяновның вафаты турында Санкт-Петербургның Реставраторлар берлеге «ВКонтакте» социаль челтәрендәге битендә хәбәр ителә.

«Рафаэль Даянов безнең рәссамнар белән даими элемтәдә торды. Ул Санкт-Петербургтагы иң талантлы татарларыбызның берсе иде», — диде Татарстан Республикасының Санкт-Петербург шәһәре һәм Ленинград өлкәсендәге вәкиле Ренат Вәлиуллин.

Элегрәк матбугат чаралары Рафаэль Даяновның коронавирус белән авыруы хакында хәбәр иткән иде.

Җирләү көне һәм вакыты турында өстәмә хәбәр ителәчәк.