Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан кешесе биржада акча эшләргә теләп миллион сум акчасын югалткан
Зыян күрүче гел «уен»да булу өчен банктан кредитлар алган һәм брокер счетына күчергән.
(Казан, 17 октябрь, «Татар-информ», Полина Шевчук). Татарстан кешесе биржада акча эшләргә теләп миллион сум акчасын югалткан. Бу турыда Татарстан буенча Эчке эшләр министрлыгы матбугат хезмәте хәбәр итә.
Әлмәттә яшәүче 43 яшьлек хатын-кыз полициягә мөрәҗәгать иткән. Ул интернетта тиз акча эшләү рекламасын күргән, сылтама буенча кереп, анкета тутырган һәм телефон номерын калдырган. Бер атнадан аңа ир-ат шалтыраткан һәм үзен брокер дип таныштырган. Ул хатын-кызга фонд биржасында акча эшләргә тәкъдим иткән. Моның өчен телефонга махсус программа урнаштырырга кирәк булган. Аферист Әлмәт кешесенә биржа уенын шәхсән өйрәтергә вәгъдә иткән.
Шуннан соң хатын-кыз счетка 15 мең сум күчергән һәм шәхси кабинетын брокерга тапшырган. Аферист «отыш» турындагы хисапларны күрсәтеп, гел элемтәдә булган, ә хатын-кыз банктан кредитлар алып берничә тапкыр ул сораган сумманы керткән. Гомумән алганда мошенникка миллион сум чамасы акча күчергән.
Әлмәт кешесе мошенник корбаны булуын аңлагач, полициягә мөрәҗәгать иткән.
«Мошенниклык» маддәсе буенча җинаять эше кузгатылган.
Кызыклы яңалыкларны күзәтеп бару өчен Телеграм-каналга язылыгыз