Татарстанда тагын өч ир-ат коронавирустан үлгән

Татарстанда Covid-19 корбаннарының гомуми саны 483кә җитте.

(Казан, 17 май, «Татар-информ»). Татарстанда коронавирус инфекциясеннән өч үлем очрагы расланды.

ТР Сәламәтлек саклау министрлыгының матбугат хезмәтеннән хәбәр итүләренчә, коронавирустан 1947, 1951 һәм 1963 елгы өч ир-ат үлгән.

«Үлемнең сәбәбе патологоанатомик экспертиза үткәрү нәтиҗәсендә ачыкланды», — дип искәрттеләр ведомствода.

Шул рәвешле, Татарстанда Covid-19 корбаннарының гомуми саны 483кә җитте.