Казанда ике трамвай бәрелешкән
Юл-транспорт һәлакәтендә дүрт кеше төрле җәрәхәтләр алган.
Скопировать ссылку
(Казан, 17 май, «Татар-информ»). Бүген иртәнге җидедә «Мегга Мебель» сәүдә үзәге каршында иртәнге җидедә ике трамвай бәрелешкән. Бу хакта «Татар-информ» мәгълүмат агентлыгына шаһитлар хәбәр итте.
Юл-транспорт һәлакәтендә дүрт кеше төрле җәрәхәтләр алган.
«Авариядә дүрт кеше зыян күргән, аларның берсе 7нче Шәһәр хастаханәсенә китерелгән, өчесенә авария булган урында ярдәм күрсәтелә», — дип хәбәр иттеләр агентлыкка ТР сәламәтлек саклау министрлыгының матбугат хезмәтендә.
