Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллы полицейскийлары микрорайон буйлап мылтык күтәреп йөргән ир-атны тоткарлаган
Ир-атның җаваплылык дәрәҗәсе эш материалларын тикшерү барышында билгеләнәчәк.
(Чаллы, 17 май, «Татар-информ», Эльвира Мөхәммәтдинова). Чаллы полицейскийлары торак микрорайоны буйлап мылтык күтәреп йөргән ир-атны тоткарлаган. Бу хакта «Татар-информ» агентлыгына Россия Эчке эшләр министрлыгының Чаллы шәһәре буенча идарәсеннән хәбәр иттеләр.
Кичә шаһитлар социаль челтәрләрдә бер видео урнаштырган. Аннан күренгәнчә, ир-ат 18/11нче йорт яныннан үтеп бара, бер кулына – мылтык, икенчесенә телефон тоткан. Әлеге видео чыкканнан соң социаль челтәрләрдән файдаланучылар полицейскийларның бу эшкә катнашуын сорады.
Россия Эчке эшләр министрлыгының Чаллы шәһәре буенча идарәсеннән хәбәр итүләренчә, кораллы ир-атны тоткарлаганнар. Ул күрше йортта яшәүче 51 яшьлек ир булып чыккан. Тоткарлаган вакытта аның коралын алганнар. Ир-атның җаваплылык дәрәҗәсе эш материалларын тикшерү барышында билгеләнәчәк.
Кызыклы яңалыкларны күзәтеп бару өчен Телеграм-каналга язылыгыз