Чаллыда җиңел автомобиль һәм микроавтобус бәрелешү нәтиҗәсендә ике кеше зыян күргән
Автокалада «Лада» автомобиленең 61 яшьлек йөртүчесе куркынычсыз дистанция сакламаган һәм 43 яшьлек ир-ат идарә иткән «Форд» микроавтобусына килеп бәрелгән.
(Чаллы, 17 апрель, «Татар-информ», Эльвира Мөхәммәтдинова). Чаллыда җиңел автомобиль һәм микроавтобус бәрелешү нәтиҗәсендә ике кеше зыян күргән. Бу хакта җирле автоинспекциядән хәбәр иттеләр.
Юл һәлакәте Сөембикә проспектында, «Шәһәр үзәге» тукталышы тирәсендә килеп чыккан. «Лада» автомобиленең 61 яшьлек йөртүчесе куркынычсыз дистанция сакламаган һәм 43 яшьлек ир-ат идарә иткән «Форд» микроавтобусына килеп бәрелгән.
Нәтиҗәдә, «Лада» автомобиленең йөртүчесе һәм җәмәгать транспортының 40 яшьлек пассажиры зыян күргән. Аларны ашыгыч медицина ярдәме хастаханәсенә озатканнар.
