Татарстанда коронавирустан тагын бер ир-ат һәм өч хатын-кыз үлгән
Пандемия башланганнан алып республикада 307 кеше ковид корбаны булган.
Скопировать ссылку
(Казан, 17 февраль, «Татар-информ»). Татарстанда яңа коронавирустан тагын дүрт кеше үлгән.
Үлем сәбәпләре патологоанатомик экспертиза нәтиҗәсендә ачыкланган. Вирус идентификацияләнгән. Бу турыда Татарстан Сәламәтлек саклау министрлыгы матбугат хезмәте хәбәр итә.
1929,1931 һәм 1941 елларда туган хатын-кызлар һәм 1939 елда туган ир-ат коронавирустан үлгән. Пандемия башланганнан алып республикада 307 кеше ковид корбаны булган.
Узган тәүлектә Татарстанда коронавирус йоктыруның 65 очрагы ачыкланган. Күмәк вакцинация башланганнан алып 53 487 кеше ковидтан прививка ясаткан, аларның 9455е ике фазаны да узган.