Татарстанда ике олы кеше һәм ике бала янгында һәлак булган
Югары Ослан районындагы фаҗига ут белән саксыз эш итү аркасында килеп чыгуы ихтимал.
(Казан, 17 гыйнвар, «Татар-информ», Павел Климчак). Татарстанның Югары Ослан районындагы Пятидворка авылында янгын вакытында ике олы кеше һәм ике бала һәлак булган. Бу турыда «Татар-информ» агентлыгына Россия Гадәттән тыш хәлләр министрлыгының Татарстан буенча баш идарәсендә хәбәр иттеләр.
Янгын турында бүген 8.52 сәгатьтә хәбәр итәләр. Шәхси агач йортка ут капкан була. Янгын сүндергәндә өйдә дүрт мәет — ике бала һәм ике олы кеше табыла. Якынча белешмә буенча, балаларга 8 һәм 12 яшь. Йорт дача рәвешендә була, бу гаилә бирегә ялларда килеп йөри.
Янгын сәбәпләре ачыклана. Ут белән саксыз эш итү, тәмәке тарту, электр җиһазларын дөрес кулланмау, яки мич ватык булуы ихтимал, дип фаразлыйлар.
