news_header_top_970_100
16+
news_header_bot_970_100

Яшел Үзәндә янган кибеттә каравылчыны коткарганнар

Янгын бүген иртән Заикин урамындагы кибеттә чыкты.

(Казан, 17 гыйнвар, «Татар-информ»). Яшел Үзәндә янгын сүндерүчеләр янган кибеттән каравылчыны чыгардылар. Бу хакта Россия гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

Бүген иртән гадәттән тыш хәлләр министрлыгында Заикин урамындагы Fix Price кибетенең бер катлы бинасында янгын чыккан – 60 квадрат метрлы мәйданда түшәм япмалары янган, дип хәбәр иттеләр.

Урынга килгән янгын сүндерүчеләр ишекне ачып, бина эченә үтеп кереп керә. Хатын-кызны чыгаралар һәм табибларга тапшыралар.

Янгынны 20 минут эчендә сүндерәләр.

autoscroll_news_right_240_400_1
autoscroll_news_right_240_400_2
news_bot_970_100