Казанда төнлә кыйммәтле ике чит ил машинасы янды
Башлангыч мәгълүматларга караганда, янгын транспорт чарасын урнаштыру һәм эксплуатацияләү кагыйдәләрен бозу аркасында чыккан.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Казан, 16 декабрь, «Татар-информ», Полина Шевчук). Бу төндә Казанда кыйммәтле ике чит ил машинасы янган. Бу хакта «Татар-информ»га Татарстан буенча Россия Гадәттән тыш хәлләр министрлыгы Баш идарәсенең матбугат хезмәтендә сөйләделәр.
Бүген төнлә Казанның «Урман шәһәрчеге» торак комплексында берьюлы ике чит ил машинасы — «Мазда 6» һәм «Мерседес» янды. Янгын япон җиңел машинасын тулысынча юкка чыгарган. «Мерседес» автомобиленә нык зыян килгән - аның бамперы, багажнигы һәм арткы канатлары эреп төшкән.
«Янгын мәйданы 3,5 квадрат метрны тәшкил итте. Нәтиҗәдә, беркем дә зыян күрмәде», — диделәр Гадәттән тыш хәлләр министрлыгында.
Янгын транспорт чарасын урнаштыру һәм эксплуатацияләү кагыйдәләрен бозу аркасында чыккан.
