Хәвеф-хәтәр 16 ноябрь 2021 15:51

Казанда метанол белән агуланган 11 кешене хастаханәгә салганнар

Зыян күрүчеләр арасында Казан югары уку йортларында укучы Башкортстан яшьләре дә бар.

Скопировать ссылку

(Казан, 16 ноябрь, «Татар-информ»). Казан хастаханәсенә бер-бер артлы метил спирты белән агуланган унбер кеше килә.

Билгеле булганча, зыян күрүчеләр арасында Казан югары уку йортларында укучы Башкортстан яшьләре дә бар.

«Татар-информ» чыганагы мәгълүматларына караганда, яшьләр зур компаниядә булып, спиртлы эчемлек кулланган. Хәмерне исә биш литрлы баллонда сатып алганнар.

ТР Сәламәтлек саклау министрлыгы матбугат хезмәтендә агулану турындагы мәгълүматны агентлыкка расладылар.

«11 кеше 7нче шәһәр клиник хастаханәсенең кискен агуланулар үзәгенә мөрәҗәгать итте. Аларның өчесе - авыр хәлдә. Табиб-токсикологлар барлык килгән пациентларның гомере өчен көрәшә», - дип сөйләделәр ТР Сәламәтлек саклау министрлыгының матбугат хезмәтендә.

Компаниядәге калган яшьләрнең дә якын арада табибларга мөрәҗәгать итүе мөмкин.

Агентлык мәгълүматлары буенча, зыян күрүчеләрнең барысы да 1999 һәм 2000 елларда туган яшьләр.

Сәхифәләр

Казанда метанол белән агуланган 11 кешене хастаханәгә салганнар