Татарстан юлында «Газель» шоферы руль артында йоклап китә һәм фурага бәрелә

Авария Шәмәрдән авылы янында килеп чыккан.

(Казан, 16 октябрь, «Татар-информ»). Татарстан трассасында «Газель» шоферы руль артында йоклап китә һәм фураны бәрдерә. Бу хакта «Татар-информ»га авария шаһитлары хәбәр итә.

Шаһитлар сүзләренчә, бүген авария иртәнге сәгать дүрттә Шәмәрдән авылы янында килеп чыккан. «Газель» йөк машинасы шоферы руль артында йоклап китә һәм алда барган «Мерседес» фурасына бәрелә.

Машина йөртүчеләрнең берсе дә зыян күрмәгән.