Төнлә Яшел Үзән районында ташландык йортта чыккан янгында ир-ат мәете табылган
Янгын Октябрьский бистәсендә булган.
Скопировать ссылку
(Казан, 16 февраль, «Татар-информ»). Төнлә Яшел Үзән районында ташландык йортта чыккан янгында ир-ат мәетен тапканнар. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.
Янгын Октябрьский бистәсендәге бүрәнә йортта төнге сәгать икедә чыккан. Янгын мәйданы 40 квадрат метрдан артып киткән.
Өемнәрне сүтү барышында янгын сүндерүчеләр ир-ат мәетен тапкан.