Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
КАМАЗ ветераны Наил Галиуллин үзенең туган көнендә вафат булган
1994-2002 елларда Галиуллин «КАМАЗ» акционерлык җәмгыятенең Җәмәгатьчелек белән элемтә үзәге директоры вазифасында эшли.
(Чаллы, 15 ноябрь, «Татар-информ», Эльвира Мөхәммәтдинова). Чаллының ветераннар госпиталендә Наил Галиуллин вафат. Бүген аңа 79 яшь тулган булыр иде.
Наил Галиуллин Автокалада җәмәгать эшлеклесе, КАМАЗ төзелешенең башында торган кеше һәм Татарстанның атказанган мәдәният хезмәткәре буларак билгеле.
Ул 1941 елда Яшел Үзәндә туган. 1973 елда КАМАЗга килгән һәм автомобиль заводының партия комитеты секретаре урынбасары вазифасында эшкә керешкән. 1979-1984 елларда «КАМАЗ» җитештерү берләшмәсе профсоюз комитетын җитәкләгән, 1984-1987 елларда Кадрлар әзерләү бүлегенә җитәкчелек иткән.
1987-1988 елларда «КАМАЗ» җитештерү берләшмәсе партия комитеты секретаре булып эшләгән. 1988 елдан – автогигантның Тышкы элемтәләр идарәсе башлыгы, 1991 елдан «КАМАЗ» акционерлык җәмгыятенең Будапешттагы вәкиллеген җитәкләгән.
Наил Галиуллин КАМАЗның матбугат хезмәте формалашуга зур өлеш керткән. 1994-2002 елларда Җәмәгатьчелек белән элемтә үзәге директоры вазифасын башкарган. Ул автогигант тарихын саклауга зур игътибар биргән, Наил Галиуллин - КАМАЗ төзелешенә багышланган берничә китап авторы да.
Кызыклы яңалыкларны күзәтеп бару өчен Телеграм-каналга язылыгыз