Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Уфада җырчы Сәйфулла Хәйруллин вафат булган
Җырчының бай иҗаты Россия генә түгел, Германия, Австрия, Кытай, Украина һәм башка илләрнең тамашачыларына да таныш.
(Казан, 15 сентябрь, «Татар-информ»). 13 сентябрьдә озакка сузылган авырудан соң 72нче яшендә Башкортстан Республикасы һәм Украинаның атказанган артисты, Зальцбург шәһәре ордены иясе, җырчы Сәйфулла Хәйруллин вафат булган. Бу хакта «Башинформ» агентлыгы хәбәр итә.
Җырчының бай иҗаты Россия генә түгел, Германия, Австрия, Кытай, Украина һәм башка илләрнең тамашачыларына да таныш. Аның концерт программасын 30 телдәге (рус, башкорт, татар, украин, немец, идиш һәм иврит, инглиз һ.б.) йөзләгән җыр тәшкил итә. Ул еш кына җырдагы аерым бер куплетны төрле телләрдә башкарган, бу тамашачыларда соклану хисләре уяткан, диелә хәбәрдә.
«Мәдәни җәмәгатьчелек иҗади казанышлары Россия һәм дөнья күләмендәге музыкаль киңлектә республика музыкаль мәдәниятенең зур абруен яуларга ярдәм иткән күренекле артистны югалтты», — дип хәбәр иттеләр Башкорт дәүләт филармониясенең матбугат хезмәтеннән.
Кызыклы яңалыкларны күзәтеп бару өчен Телеграм-каналга язылыгыз