Казанның Нагорный бистәсендә авариядә хатын-кыз һәлак була

Авария бүген Таежная урамында була.

(Казан, 15 март, «Татар-информ»). Казанның Нагорный бистәсендә внедорожник хатын-кызны бәрдерә. Хатын-кыз һәлак була. Бу хакта «Татар-информ»га шәһәр автоинспекциясендә сөйләделәр.

Авария бүген Нагорный бистәсендәге Таежная урамында сәгать икедә булды. «КИА» машинасы хатын-кызны бәрдерә.

«Җәяүле алынган җәрәхәтләрдән шунда ук вафат була. Һәлак булган хатын-кызга якынча 60-65 яшь. Урында автоинспекторлар эшли. Авария турында мәгълүмат ачыклана», — дип аңлаттылар Казан ЮХИДИ идарәсендә.