Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Илназ Галәвиевны экспертизадан соң Санкт-Петербургтагы СИЗОга кайтарганнар
19 яшьлек Илназ Галәвиев Казанның 175нче номерлы гимназиясендә шартлау һәм ату оештырган иде, үлүчеләр һәм зыян күрүчеләр булды.
(Казан, 14 октябрь, «Татар-информ»). Казан мәктәбендә күпләп кеше үтерүдә гаепләнүче Илназ Галәвиевны кире Санкт-Петербургтагы "Кресты" тикшерү изоляторына (СИЗО) урнаштырганнар, дип хәбәр итә РИА Новостига Санкт-Петербургның Иҗтимагый күзәтчелек комиссиясе рәисе Александр Холодов.
Сентябрь урталарында Мәскәү Иҗтимагый күзәтчелек комиссиясе җаваплы сәркатибе Алексей Мельников РИА Новости агентлыгына Галявиевны башкаладан Петербургка, өстәмә экспертизалар өчен җибәргәннәр, дип фаразлавын белдергән иде. "Әйе, ул кире 1нче СИЗОга урнаштырылды. Аннан бернинди шикаятьләр дә килмәде", - диде Холодов.
Элегрәк "Газета ОНК" - Иҗтимагый күзәтчелек комиссияләренең рәсми органы хәбәр иткәнчә, Серб үзәге, психологик - психиатрия экспертизасы үткәреп, Галәвиевны җинаять мизгелендә акылга зәгыйфь дип тапкан, әмма соңрак Тикшерү комитеты процедура әле тәмамланмаганлыгын белдерде.
19 яшьлек Илназ Галәвиев Казанның 175нче номерлы гимназиясендә шартлау һәм ату оештыруда гаепләнә. Фаҗигадә җиде бала һәм ике укытучы вафат була тагын 24 кеше зыян күрә.
Кызыклы яңалыкларны күзәтеп бару өчен Телеграм-каналга язылыгыз