Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда сүндерелмәгән тәмәке аркасында чыккан янгында ир-ат һәлак булган
Шәхси йорт хуҗасының мәетен ишелеп төшкән түбә астыннан тапканнар.
(Казан, 14 сентябрь, «Татар-информ»). Татарстанның Нурлат районында сүндерелмәгән тәмәке төпчеге аркасында ут капкан йортта ир-ат янып үлгән. Бу хакта Россия Гадәттән тыш хәлләр министрлыгының Татарстан буенча идарәсенең матбугат хезмәтендә хәбәр иттеләр.
Октябрина бистәсендә шәхси йорт януы турында хәбәр № 125 янгын сүндерү-коткару бүлеге хезмәткәрләренә узган төндә килә. Алар янгын урынына 6 минутта килеп җитә, әмма йортны инде тулысынча ут камап алган, түбә һәм түшәм өлешчә ишелгән, ә ут сарайга күчкән була.
Янгынны бер сәгать чамасы сүндергәннәр, ә хәрабәләрне актару өчен тагын ике сәгать кирәк булган. Кунак бүлмәсендә ишелгән түбә астыннан 62 яшьлек хуҗаның мәете табыла.
Беренчел мәгълүматлар буенча, янгын сүндерелмәгән тәмәке төпчеге аркасында чыккан.
Кызыклы яңалыкларны күзәтеп бару өчен Телеграм-каналга язылыгыз