420066, Казан, Декабристлар урамы, 2
“ТАТМЕДИА” акционерлык җәмгыяте
Татарстанда җиңел машина вак таш өеменә килеп бәрелгән, өч ир-ат имгәнгән
Якынча мәгълүматлар буенча, машина йөртүче юлда ремонт дигән билгене күрмәгән һәм зур тизлектә вак таш өеменә килеп бәрелгән.
(Казан, 14 июнь, «Татар-информ», Павел Кличак). Кичә төнлә республиканың Актаныш районында Картово бистәсе янында юл-транспорт һәлакәте булган.
Якынча мәгълүматлар буенча, машина йөртүче юлда ремонт дигән билгене күрмәгән һәм зур тизлектә вак таш өеменә килеп бәрелгән. Бу турыда «Татар-информ» агентлыгына авария шаһитлары хәбәр итә.
Автомобильнең корпусы каты җимерелгән. Нәтиҗәдә, ир-атларның берсе салонда кысылып калган.
Юл-транспорт һәлакәтендә машина йөртүче һәм ике пассажир имгәнгән. Аларны төрле дәрәҗәдәге җәрәхәтләр белән хастаханәгә алып киткәннәр.