Әлмәттә светофорның кызыл утына юл аша чыгарга уйлаган җәяүлене машина таптаткан

Авария кичә Шевченко урамында булган.

(Казан, 14 июнь, «Татар-информ»). Әлмәттә светофорның кызыл уты янганда юл аша чыгарга уйлаган җәяүлене машина таптаткан. Бу хакта ТР буенча Эчке эшләр министрлыгының матбугат хезмәтеннән хәбәр иттеләр.

«Кичә кич Шевченко урамында «Хендэ» автомобиле зур тизлектә светофорның кызыл уты янганда юл аркылы чыгарга уйлаган 53 яшьлек җәяүлене бәрдергән. Нәтиҗәдә, ир-ат күпсанлы тән җәрәхәтләре алган», - дип белдерделәр полиция бүлегендә.

Зыян күрүчене тиз арада хастаханәгә озатканнар, әмма ярты сәгатьтән соң аның йөрәге тибүдән туктаган.