28 яшьлек егетнең мәетен күпер астыннан тапканнар

Ул танышлары белән күпердән элемтәгә кергән булган

 Казан, 14 апрель, “Татар-информ”). Челнинка елгасы күпере астында узган елның 2 ноябрьдә югалган Евгений Головков мәете табылды.

Мәгълүм булганча, егет Чаллының 27 нче бистәсендә яшәгән. Соңгы тапкыр ул танышлары белән телефон аша нәкъ менә әлеге күпердән элемтәгә кергән. Хәзерге вакытта шушы очрак буенча тикшерү эше бара. Полиция хезмәткәрләре әйтүенчә, бу бәхетсезлек яки үз-үзеңә кул салу очрагы булырга мөмкин, дип белдерә “Шәһри Чаллы” басмасы.