Татарстанда елга уртасында бозда аерылып калган ике балыкчыны коткарганнар
Яр буеннан 300 метр тирәсе киткәч, аларның мотоциклы җылуга төшеп чумган.
(Казан, 14 март,«Татар-информ», Полина Шевчук). Татарстанда елга уртасында бозда аерылып калган ике балыкчыны коткарганнар. Бу хакта «Татар-информ»га вакыйга булган урыннан агентлыкның үз корреспонденты хәбәр итте.
Кичә кичке бишенче яртылар тирәсендә 112 бердәм номерына шалтырату килгән.Ачыкланганча, ике ир-ат мотоциклда Тукай районының Колыш авылы янында елгага балык тотарга киткән. Яр буеннан 300 метр эчкәрәк кергәч, аларның мотоциклы җылуга төшеп чумган.
Балыкчыларга 6нчы зона янгын-коткару отряды коткаручылары ярдәмгә килгән.50 һәм 40 яшьлек ир-атларны һава мендәрендәге суднога утыртып яр буена алып чыкканнар. Ә мотоциклны таба алмаганнар.
